Contra lo nacionalisme francés

26 08 2009

L’idèa de «França Estat-nacion», principi politic de la «Republica indivisibla», l’article 2 de la Constitucion, l’interdiccion de l’ensenhament immersiu dens l’ensenhament public que constituissen l’arsenau ideologic, juridic, politic e pedagogic dab quau l’imperialisma francés clava l’acces deus pòbles dependents e coloniaus aus sons drets nacionaus.
Qu’an de préner una plaça centrau dens lo nòste combat entaus drets nacionaus deu pòble occitan, a tota fòrça anti-imperialista e anti-nacionalista. Es díder contra lo poder centrau, lo poder d’Estat e las suberestructuras ideologicas, l’intelligentsia, l’esquèrra francesa (e tanben l’esquèrra revolucionària francesa), e lo quite corrent reformista / regionalista demiei lo moviment nacionau occitan. Legir la rèsta dau messatge »

Advertisements




Cap a la liberacion d’Occitània : quina estratégia politica ?

26 08 2009

Lo sistèma politica jacobin que’s tròba uèi lo dia dens una andròna qu’apèra unas causidas estrategicas navèras. Hòrt d’exèmples qu’ic amuishan : incapacitat a préner en compta las culturas minorizadas de l’Estat francés, gestion catastrofica e antidemocratica de l’amenatjament deu territòri, ahida perduda de las poblacions dens lo poder parisenc, depolitizacion de pujar dens las consciéncias. Legir la rèsta dau messatge »





Autoroute du Sud de la France : una enterpresa colonialista

26 08 2009

Son mantunas las fòrmas de dominacion que patís Occitània, e per tant la màger part deu temps demòran mesconeishudas per los que ne patíssen, o tot au mensh coneishudas mès pas analizadas en tèrma de dominacion coloniau. Aquera terminologia de la dominacion coloniau s’a d’emplegar dab hòrt de precaucions : de tot segur, ne’s pòden pas comparar las condicions deu colonialisme que mestreja Occitània e d’autas situacions coloniaus (la que pertoquèt Argelia dinc a 1962 per exèmple, o las dominacions que encara existissen en Palestina o au Kurdistan). Lo colonialisme de l’Estat francés sus Occitània qu’es plan mei discret, pr’amor mei sornés, e acompanhat d’un bataclan de dominacion simbolica qu’empacha lo dominat de se pensar dominat. Quan seré mensh violent, es ça-que-là plan vertadèir aqueth estat de colonialisme ; aquera analisi qu’es la raison màger que nos hè créder a l’independentisma com unic biais de se’n desliurar e de préner en man lo nòste avenir shens nèurir patrons-parasitis horastèirs aus interests de las classas popularas occitanas. Legir la rèsta dau messatge »





Retorn sus l’enquista socio-lenguistica en Aquitània

26 08 2009

En mai pareishot l’enquista socio-lenguistica d’Aquitània (los resultats ne son disponibles suu siti). Aquí la purmèira partida d’una comunicacion d’un enquistaire simpatisant d’Anaram Au Patac. La dusau partida que serà publicada dens lo numerò de seteme, mès qu’es dejà disponible en escríver a gasconha.nord@libertat.org.
Qu’ac sabem, n’es pas tostemps aisit de bolegar las institucions suu dossièr de l’occitan. Urosament, a còps qu’avem la suspresa de véder vàder iniciativas directament d’aqueras (si, si, aquò existeish…). Legir la rèsta dau messatge »