Quin avenir per Ford a Blancafòrt ?

26 08 2009

Dimars 3 de heurèr, Sud Ouest titolèva «Qu’es sauvat l’emplec deus Ford». N’ic espiar de mei pròche enlà, la situacion n’es totun pas tant clara.
La perennitat deu siti n’es pas assegurada briga. D’alhors, un sindicaliste que constatèva, lo quite dia de l’acòrd, que la represa deu siti per la societat HZ Holding França SA n’auferiva pas qu’una solucion a tèrmi deus bracs. La visibilitat que demorèva hosca, susquetot après de 2011. Legir la rèsta dau messatge »





Fàçia a la Refòrma de las collectivitats : bastim Occitània!

26 08 2009

Lo dijaus 5 de març, un comitat gavidat per Edouard Balladur que tornèt un rapòrt sus la situacion de las collectivitats territoriaus de l’estat francés, que contenè unas perpausicions entà milhorar aquera situacion. Anaram Au Patac, en tant que moviment de l’esquèrra occitana, s’avè de clinar sus un tèxte qu’es demorat fin finau pro confidenciau, a maugrat deu horvari que precedit la soa sortida. Legir la rèsta dau messatge »





Resistir au nacionalisme francés

26 08 2009

Mei que jamei la resisténcia a l’imperialisme francés, au son nacionalisme e chauvinisme es uèi-lo-dia d’actualitat, e una necessitat bèra d’aquests torns de reaccion creishènta. E si «resistar es crear las navèras fòrmas, las navèras ipotèsis teoricas e practicas que siin a la hautor de l’escomesa actuau»1, alavetz aquera resisténcia non pòt pas estar una postura defensiva, un arreplec sus unas lutas e amiras, mès puslèu una offensiva totau, critica e creatriça, sus la basa deus nòstes drets nacionaus legitimes. Legir la rèsta dau messatge »





Solidaritat dab lo pòble basco

26 08 2009

Ne’s comptan pas mei las atacas contra lo pòble basco, mes la repression que s’ei intensificada enqüèra aquestas darrèras setmanas. En efèit, lo tribunau constitucionau espanhòu que vien d’interdíser a Democracia 3 Milions (D3M) e au colectiu Askatasuna de participar a las eleccions de la Comunautat autonòma basca deu 1er de març. Qu’ei ua decision istorica de la justícia espanhòla: peu purmèr còp l’esquèrra abertzale non serà pas representada a las eleccions deu govern basco. Legir la rèsta dau messatge »





L’occitan victima d’una novela ataca jacobina

26 08 2009

Dijòus 19 de février 2009 lo conselh municipal de Sijan a decidit a 19 voses contra 2 e 3 abstencions, de renovelar pas la convencion que ligava la comuna amb la Calandreta. Aquò significa qu’a la dintrada de setembre de 2009 un vintenat d’enfants riscan de se trobar per carrièra e quatre personas al caumatge dins une region sinistrada al punt de vist emplec (la region Lengadòc Rosselhon es la que coneis lo taus mai fòrt de caumatge de l’Estat francés). Legir la rèsta dau messatge »