Manifestacion a Bordèu dissabte 5 de junh a 15 o plaça de la Victoria

5 06 2010

COMUNICAT DE LIBERTAT!
 Contra er atac dera armada der estat d’Israèl as vaishèths damb ajuda umanitària en Gaza

Dauant der atac dera armada israeliana contra es membres dera flòta d’ajuda umanitària, en mission pacifica de resisténcia civiu, que sajaue d’ajudar ara resisténcia deth sètge de Gaza, que denonciam e que condemnam es grèus violacions deth Dret internacionau des drets umans e deth Dret internacionau umanitari que, un còp mès, a cometut e a ordenat cométer eth govèrn israelian.

Ath delà qu’es atacs s’agen amiat a tèrme en aigües internacionaus o laguens der espaci marin palestinian, controtlat per Israèl, er usatge desproporcionat dera fòrça armada contra era poblacion civiu, sigue intèrna o sigue internacionau, be supause ua flagranta violacion deth Dret internacionau.

Que sollicitam que se produsisque un clar prononciament des autoritats politiques internacionaus, d’Occitània tota (des estats francés, espanhòu e italian) contra aguest nau mensprètz des autoritats israelianes cap ath principi deth respècte dera dignitat umana. Qu’aperam ar arrefús per part de tota era societat. Qu’arrebrembam qu’eth silenci ei complicitat. Que condemnam aguesta situacion qu’a provocat enes activistes internacionaus pera patz quauqui mòrts e un gran nombre de herits. Non demoraram pas en silenci, coma tanpòc ac hérem pendent era darrèra guèrra de Gaza, ena que moriren mès de 1.300 palestinianes e palestinians.

Qu’animam a totes e a toti a somar-se as diuèrses mòstres de protèsta contra era terror der estat d’Israèl que i a pertot.

Ua auta manèra de demostrar eth nòste arrefús e exercir pression sus aguest estat assassin qu’ei eth boicòt. Non crompem cap de producte fabricat en Israèl. S’agís, sustot, de frutes e legums e verdugalhs, vins, cosmetics, productes e tecnologia entara agricultura e brevets tecnologics. Tanben era aigua Eden e es fregadors Nanas. Era chifra 729 dejós deth còdi de barres indique qu’un article a passat per Israèl en bèth moment deth procès de produccion o distribucion. Damb eth boicòt as productes israelians que mostram eth nòste arrefús ara sua politica e que pressionam entà que la càmbien.

Advertisements

Accions

Information




%d bloggers like this: